¿ì»îÓ°Ôº

29/10/2024 (Dydd Iau), 5yh, From Conspiracy to the Campaign Trail: Unpacking the 2024 US Presidential Race with a Historical Lens (Sesiwn Saesneg) - Ymunwch â'n darlithwyr Hanes, Gwleidyddiaeth ac Archaeoleg gyfoes wrth iddynt drafod yr ymgyrch tuag at Etholiad Arlywyddol yr Unol Daleithiau sydd ar ddod ar 5ed o Dachwedd, lle mae Donald Trump a Kamala Harris yn ymladd am y Tŷ Gwyn. Mae'r misoedd diwethaf wedi bod yn ddrama afaelgar ac yn ddadleuol, gyda cheisiadau lladd ar Trump yn cael eu hamau, newid hwyr mewn ymgeisydd gan y Democratiaid, a honiadau dadleuol am rywedd, hil a hyd yn oed bwyta cathod a chŵn. Byddwn yn gosod yr etholiad mewn cyd-destun hanesyddol trwy gymharu ag etholiad Arlywyddol 1968; dadansoddi sut mae newyddion ffug, cynllwynion ac sloganau wedi gwneud chwedloniaeth yn ganolog i’r agenda wleidyddol, ac hefyd yn cymharu’r ras Arlywyddol â’r Etholiad Cyffredinol Prydeinig ym mis Gorffennaf 2024.

27/10/2024, 11yb, The Role of the Police Officer (Sesiwn Saesneg) - Yn y sesiwn hon, bydd Steve Nash yn archwilio rôl hanfodol swyddogion yr heddlu yn ein cymunedau yng ngogledd Cymru a thu hwnt. Mae swyddogion yr heddlu’n gyfrifol am gynnal cyfraith a threfn, amddiffyn y cyhoedd, a sicrhau diogelwch pawb. Bydd y sesiwn hon yn ymdrin â meysydd megis ymateb i argyfyngau, atal a chanfod troseddau, a'r gwaith ymgysylltu a wneir i feithrin ymddiriedaeth ymysg y gymuned. Bydd y sesiwn yn trafod y dyletswyddau amrywiol y maent yn eu cyflawni, yr heriau y maent yn eu hwynebu, a phwysigrwydd eu rôl wrth feithrin cymdeithas ddiogel a heddychlon. Mae deall eu cyfrifoldebau’n ein helpu i werthfawrogi eu cyfraniad i'n bywydau bob dydd, a phwy a ŵyr, efallai y byddwch yn ffansïo llwybr gyrfa newydd ar ôl y sesiwn hon.

03/11/2024, 11yb - Ethical Dilemmas in Organ Sales: Should Selling Human Organs be a Crime?  (Sesiwn Saesneg) - Ymunwch â ni mewn darlith ddiddorol tu hwnt sy'n ymchwilio i'r ystyriaethau moesegol sy'n ymwneud â gwerthu organau. Mae datblygiadau meddygol yn dal i fynd rhagddynt ym myd y trawsblaniadau, ac mae goblygiadau moesol gwerthu organau dynol yn dod i'r amlwg. A ddylai unigolion feddu ar yr hawl i werthu eu horganau, neu a yw'r arfer yn peryglu urddas pobl a moesoldeb? Yn y drafodaeth bydd y cyfranogwyr yn ystyried gwerth bywyd, y potensial i ecsbloetio pobl, a'r cyfyng-gyngor moesegol sy'n codi yn y fath farchnad. Byddwch yn barod i herio eich credoau a chyfrannu at ddeialog ystyrlon ynglŷn ag un o faterion moesegol pwysicaf cymdeithas.

10/11/2024, 12yh - Sinful Spells? Witches and the Bible (Sesiwn Saesneg) - Mewn darlith gyfareddol, byddwn yn archwilio’r portread o wrachod mewn testunau beiblaidd a’u heffaith oesol ar ganfyddiadau diwylliannol o ddewiniaeth. Trwy ymchwilio i ddehongliadau hanesyddol, byddwn yn datgelu sut y dylanwadodd credoau crefyddol ar agweddau at wrachod a hud a lledrith trwy’r oesoedd. Ymunwch â ni i drafod darnau arwyddocaol, dylanwadau cymdeithasol, a’r cymhlethdodau moesol sy’n ymwneud â dewiniaeth mewn cyd-destunau Beiblaidd. Ymunwch mewn sgwrs ysgogol sy'n herio’r ddealltwriaeth gonfensiynol ac yn eich gwahodd i ailfeddwl am y cysylltiadau rhwng ysgrythur, pechodau, a chredoau goruwchnaturiol. Dyma gyfle i archwilio pennod hynod ddiddorol yn hanes crefydd a'r goblygiadau heddiw.

17/11/2024, 12yh - Living the Existential Life: An Introduction to Existentialism (Sesiwn Saesneg) - Darganfyddwch sylfeini’r athroniaeth ddirfodol mewn darlith dadlennol ynglŷn â byw bywyd dirfodol. Byddwn yn trafod cysyniadau allweddol gan feddylwyr o fri fel Sartre, Kierkegaard, a Camus, ac yn archwilio themâu fel dilysrwydd, cyfrifoldeb, rhyddid, a chwilio am ystyr mewn bydysawd difater. Trwy drafodaethau difyr, caiff y cyfranogwyr gipolwg ar sut mae dirfodaeth yn mynd i'r afael â chymhlethdodau’r profiad dynol a heriau’r bywyd modern. Mae’r ddarlith yn annog hunanadfyfyrdod a meddwl yn feirniadol. Mae’n eich gwahodd i ystyried sut mae cymhwyso egwyddorion dirfodol i ddewisiadau a chyfyng-gyngor beunyddiol. Ymunwch â ni ar daith at well dealltwriaeth a rhyddid personol.

24/11/2024, 11yb - Navigating the Moral Landscape: Ethical Considerations and Responsibilities in the Treatment of Asylum Seekers (Sesiwn Saesneg) - Ymunwch mewn trafodaeth bwysig am yr ystyriaethau moesegol a'r cyfrifoldebau sydd ynghlwm wrth drin ceiswyr lloches. Bydd y ddarlith yn archwilio’r dirwedd foesol sy’n ymwneud â pholisïau mewnfudo, hawliau dynol, a’r heriau y mae ceiswyr lloches yn eu hwynebu. Byddwn yn archwilio cyfyng-gyngor moesegol cymhleth, gan gynnwys y cydbwysedd rhwng diogelwch gwlad a rhwymedigaethau dyngarol, yn ogystal ag effeithiau cymdeithasol y systemau lloches. Trwy astudiaethau achos a deialog feirniadol, bydd y cyfranogwyr yn ennill dealltwriaeth ddyfnach o'r goblygiadau moesegol sy'n llywio ein hymatebion i geiswyr lloches. Ymunwch â ni i drafod y mater moesol pwysig hwn ac ystyried y cyfrifoldebau cyffredin sydd arnom fel dinasyddion y byd.

01/12/2024, 11yb - Illuminating the Darkness: The Winter Solstice in Pagan Traditions (Sesiwn Saesneg) - Archwiliwch dapestri cyfoethog y traddodiadau paganaidd mewn darlith ddadlennol ynglŷn â Heuldro'r Gaeaf. Cawn archwilio arwyddocâd y digwyddiad nefol hwn, a dathlu dychweliad y golau yng nghanol diwrnodau tywyllaf y flwyddyn. Darganfyddwch sut roedd diwylliannau’r hen fyd yn nodi'r talm canolog hwn o amser trwy ddefodau, dathliadau a symbolaeth, gan bwysleisio themâu o aileni ac adnewyddu. O ddathliadau’r Nadolig yng Ngogledd Ewrop i seremonïau heuldro arferion paganaidd amrywiol, bydd y ddarlith yn amlygu’r ffyrdd amrywiol y mae cymunedau’n dathlu’r gwahanol dymhorau. Ymunwch â ni mewn darlith hynod sy'n datgelu'r ystyron dwfn a'r traddodiadau sy'n ymwneud â Heuldro'r Gaeaf mewn credoau paganaidd.