¿ì»îÓ°Ôº

Er mwyn paratoi’r myfyrwyr at radd y ³Ò·É²â»å»å´Ç°ùÌýµþ¾±´Ç´Ú±ð»å»å²â²µ´Ç±ô ²¹ÌýGwyddorau Meddygol, mae’r Flwyddyn Sylfaen yn rhoi dealltwriaeth sylfaenol a hanfodol o egwyddorion biolegol a chemegol y maes.  Yn ystod eich blwyddyn sylfaen, yn ogystal ag ennill sgiliau labordy ymarferol a datblygu sgiliau academaidd, cewch sylfaen drylwyr mewn amrywiol bynciau sy'n sail i raddau ym maes y gwyddorau meddygol. Mae'n ddelfrydol os oes gennych ddiddordeb mewn Gwyddor Biofeddygol neu yn y Gwyddorau Meddygol, neu awydd dilyn gyrfa gysylltiedig, ond nid oes gennych gefndir gwyddonol angenrheidiol ar hyn o bryd i ddilyn y rhaglenni tair blynedd.

Caiff y Flwyddyn Sylfaen hefyd ei chynllunio i baratoi myfyrwyr at ein rhaglenni gradd eraill, B102 BSc Gwyddorau Biofeddygol ac mae'n bosibl trosglwyddo i un o'r rhaglenni hynny, yn amodol ar lwyddo yn y Flwyddyn Sylfaen.

Nod gradd y Gwyddorau Meddygol yw darparu rhaglen wyddoniaeth sy’n berthnasol i feddygaeth gydag elfennau cryf o ymchwil proffesiynol. Cewch sylfaen gadarn o addysgu gwyddonol, a fydd yn cynnwys iechyd a chlefydau ar lefel ficro a macro. Bydd hynny’n fodd i chi ddatblygu, integreiddio a chymhwyso'ch gwybodaeth lle mae darganfyddiadau gwyddonol ac ymarfer clinigol yn cwrdd.

Fel myfyriwr graddedig, bydd gennych set eang o sgiliau, sy’n golygu bod y cwrs yn ddewis cyntaf delfrydol i'r rheini sydd â diddordeb dilyn gyrfa ym maes iechyd ond sydd am gadw eu hopsiynau’n agored. 

Pam dewis Prifysgol Bangor ar gyfer y cwrs?

• Cynigiwn awyrgylch bywiog a’r dysgu mewn grwpiau bach, sy'n golygu na fyddwch chi fawr o dro cyn datblygu perthynas â'ch cyd-fyfyrwyr a'ch darlithwyr.
• Mae’r staff yn cynnwys academyddion, ymchwilwyr a chlinigwyr sy’n adnabyddus yn genedlaethol ac yn rhyngwladol mewn addysg feddygol ac ymchwil.
• Bydd eich gradd yn canolbwyntio ar addysgu anatomegol a ffisiolegol ym mlynyddoedd 2 a 3, a fydd yn rhoi sylfaen ragorol i chi yn y meysydd pwnc allweddol hynny. 

Opsiynau Cwrs Ychwanegol

Byddwch yn dilyn modiwlau sy’n werth 120 credyd bob blwyddyn a gaiff eu dysgu trwy ddulliau amrywiol gan gynnwys darlithoedd, seminarau a sesiynau ymarferol mewn  labordai. Mae’r modiwlau’n fwy arbenigol wrth i chi fynd trwy’r radd a nifer y modiwlau gorfodol yn amrywio o’r naill flwyddyn i’r llall.  Caiff y cwrs ei asesu trwy gymysgedd o arholiadau, adroddiadau labordy ymarferol, gwaith cwrs a chyflwyniadau, gan gynnwys y prosiect ymchwil yn y flwyddyn olaf. Maemodiwlau cyfrwng Cymraeg ar gael hefyd, a gall y myfyrwyr ddewis tiwtor Cymraeg a chyflwyno gwaith yn Gymraeg neu Saesneg.

Beth fyddwch chi’n ei astudio ar y cwrs yma?

Pwrpas modiwlau'r Flwyddyn Sylfaen yw cynyddu eich hunanhyder, gwella'ch gwybodaeth bwnc, a thanio'ch brwdfrydedd dros y gwyddorau meddygol. I'r perwyl hwnnw byddwch yn dilyn modiwlau sy'n cwmpasu'r egwyddorion biolegol a chemegol hanfodol a fydd yn sail i'ch dysgu chi at y dyfodol, gan gynnwys pynciau fel bioleg y gell, imiwnoleg, a bondiau moleciwlaidd. Bydd modiwlau sgiliau’n sicrhau bod gennych gefndir sylfaenol mewn rhifedd a'r arbenigedd academaidd i drafod heriau’r rhaglen radd. Bydd y sesiynau labordy’n datblygu eich sgiliau ymarferol a chewch eich dysgu i weithio'n ddiogel, yn fanwl ac yn gywir mewn labordy proffesiynol.

Yn y blynyddoedd dilynol, byddwch yn dilyn yr un modiwlau â B100 Gwyddorau Meddygol, B102 BSc ³Ò·É²â»å»å´Ç°ùÌýµþ¾±´Ç´Ú±ð»å»å²â²µ´Ç±ô, neu B103 Bioleg Feddygol gan ddibynnu ar y brif radd a dewiswch. 

Mae'r Flwyddyn Sylfaen yn gyffredin i bob un o'r tair gradd sy'n gyfle i chi ddewis un o'r graddau eraill (yn amodol ar feini prawf cymhwysedd). Cynlluniwyd y rhaglenni i roi dewis i chi ddilyn llwybr gradd gwahanol naill ai ar ôl eich blwyddyn sylfaen neu ar ôl blwyddyn un, cyn ymrwymo i un o'r llwybrau gradd yn eich ail flwyddyn.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Gwyddorau Meddygol (gyda blwyddyn sylfaen) BMedSci (Anrh).

Mae cynnwys y cwrs wedi’i nodi i’ch arwain yn unig ac fe all newid.

• Mae gennym gyfres o labordai a adnewyddwyd yn ddiweddar yn yr Ysgol Gwyddorau Meddygol yn Adeilad Brambell, gan gynnwys labordy arbenigol Cat 2 a ddefnyddir ar gyfer gwaith gydag asiantau  biolegol risg ganolig a pheryglon, ac organebau a addaswyd yn enetig.
• Bydd ein cyfleusterau newydd ar anatomi dynol yn barod erbyn 2022, a byddant yn ymgorffori technoleg flaengar fel , sef y bwrdd dyrannu rhithiol cyntaf yn y byd. Rhagwelwn y caiff ei ddefnyddio gan israddedigion BMedSci Gwyddorau Meddygol yn ogystal â myfyrwyr ar ein cwrs MA Cynorthwywyr Meddygon a’r rhaglen radd Meddygaeth C21 Gogledd Cymru  i raddedigion a gyflwynir yn gyfan gwbl yng ngogledd Cymru gan Brifysgol Bangor mewn partneriaeth ag Ysgol Feddygol Caerdydd.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch i adran Astudio ym Mangor.ÌýÌý

Mae ein Blwyddyn Sylfaen yn eich galluogi i gael mynediad i’n rhaglenni BSc Gwyddorau Biofeddygol, BMedSci Gwyddorau Meddygol a BSc Bioleg Feddygol (yn amodol ar fodloni gofynion penodol y rhaglen), gyda'ch penderfyniad terfynol yn cael ei wneud cyn dechrau'r ail flwyddyn.

Gyda gwybodaeth wyddonol integredig a sgiliau allweddol fel cloriannu beirniadol, cyfathrebu a datrys problemau, bydd gan ein graddedigion gyfle da iawn i gael swyddi mewn meysydd sy'n seiliedig ar  wyddorau meddygol. Yn ystod y blynyddoedd diwethaf mae ein cyn-fyfyrwyr wedi dilyn gyrfaoedd yn y diwydiant fferyllol, ymchwil feddygol, gwyddor bwyd, iechyd y cyhoedd, y lluoedd arfog, y proffesiwn addysgu, a gwyddoniaeth fforensig, i enwi ond ychydig o'r nifer o opsiynau sydd ar gael.

Rydym yn annog interniaethau a phrofiad gwaith yn ystod eich gradd, i'ch helpu i ennill dealltwriaeth o fyd gwaith a rhoi mantais gystadleuol i chi. Cewch gyfle i fynd ar leoliadau gwaith byr (yn ystod gwyliau’r haf) neu leoliadau 'rhyngosod' am flwyddyn, gyda’n holl raglenni gradd. Mae gan lawer o'n myfyrwyr ddiddordeb mewn gyrfaoedd clinigol ac yn mynd ymlaen i hyfforddiant ôl-radd i fod yn Gynorthwyydd Meddygon, Radiograffwyr, Parafeddygon, Ffisiotherapyddion a gweithwyr proffesiynol eraill ym maes iechyd. Bydd myfyrwyr sydd eisiau cael gyrfa ymchwil uwch yn y byd academaidd neu ddiwydiant mewn sefyllfa ddelfrydol i wneud rhaglenni MSc a PhD ac ar gyfer swyddi ymchwil  yn y Gwasanaeth Iechyd (gan gynnwys Rhaglen Hyfforddi Gwyddonwyr y GIG). Mae graddedigion BMedSci diweddar wedi mynd ymlaen i gyrsiau MSc Gwyddor Cardiofasgwlar, Niwroddelweddu, Seicoleg, Rheoli Clefydau Heintus a Hybu Iechyd. 

Mae llawer o'n graddedigion gwyddorau biofeddygol yn dilyn gyrfaoedd yn labordai patholeg y GIG, gan helpu ein gwasanaeth iechyd gyda diagnosis cleifion. Mae ein hachrediad IBMS yn helpu eu paratoi at waith cyflym a diddorol mewn labordy patholeg modern gyda disgyblaethau'n amrywio o drefnu trallwysiadau gwaed i ganfod heintiau firaol mewn cleifion.

Ar ôl cwblhau gradd BMedSci yn llwyddiannus, gall y myfyrwyr mwy galluog wneud cais am Raglen Meddygaeth Mynediad i Raddedigion pedair blynedd Prifysgol Caerdydd (MBBCh).  Gall myfyrwyr cymwys wneud cais i astudio Meddygaeth yng Nghaerdydd, neu aros ym Mangor ar gyfer eu gradd MBBCh 4 blynedd. Gweler y dudalen cwrs MBBCh C21 Meddygaeth Mynediad i Raddedigion y Gogledd i gael rhagor o wybodaeth. Sylwer, i wneud cais am y rhaglen hon mae’n rhaid i chi gyflawni holl feini prawf ychwanegol Prifysgol Caerdydd, gan gynnwys ond ddim yn gyfyngedig i, cymwysterau TGAU a lefel A penodol a chwblhau'r arholiad mynediad yn llwyddiannus (GAMSAT).

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.