���ӰԺ

Mae hwn yn gwrs byr���������ⲵ��ar lefel ôl-raddedig��sy'n cael��ei gyflwyno��ar-lein.

Mae hyfforddiant sgiliau seicolegol yn un o hanfodion seicoleg chwaraeon. Dengys y dystiolaeth eu bod yn llesol i berfformwyr (e.e., athletwyr, swyddogion gweithredol busnes ac yn y blaen). Ar y modiwl hwn byddwch yn ennill gwerthfawrogiad beirniadol o’r llenyddiaeth ymchwil gyfoes sy'n ymwneud â sgiliau seicolegol neu feddyliol; gyda phwyslais ar hunan-siarad a delweddaeth.

Ar gyfer pwy mae'r Cwrs Byr hwn yn addas?

Modiwl dysgu o bell ar-lein yw hwn o Hyfforddiant Sgiliau Seicolegol. Mae’n addas i bawb sydd â diddordeb cynorthwyo cyflwr seicolegol y perfformiwr (e.e. hyder, gorbryder, cymhelliant) a pherfformio. Mae'r sgiliau hynny’n berthnasol mewn meysydd amrywiol, gan gynnwys chwaraeon, busnes, y gwasanaethau brys, y celfyddydau perfformio a mwy.��

Mae ein dysgwyr wedi cynnwys pobl o bob rhan o’r DU, ac o bob rhan o’r byd. Mae'r cwrs byr yma'n rhan o'r rhaglen MSc Seicoleg Perfformio (dysgu o bell) ac mae cyn-fyfyrwyr yn cynnwys:

• Hyfforddwyr chwaraeon proffesiynol: Rygbi, Criced, Pêl-droed Gaeleg, a Hyfforddwyr Rhedeg Dygnwch
• Aelodau ‘UK Coaching’
• Athletwyr Elitaidd mewn: pêl-droed, pêl-droed Gaeleg, criced, rygbi a golff
• Cyfarwyddwyr Perfformiad ar gyfer Timau Undeb Rygbi Proffesiynol
• Perfformwyr Opera
• Cerddorion Proffesiynol
• Arweinwyr Busnes
• Uwch reolwyr o sefydliadau fel MasterCard a Facebook
• Criw Cefn Hofrennydd yr RAF
• Rheolwyr traffig awyr
• Swyddogion Heddlu
• Meddygon Teulu ac Anesthetyddion
• Rheolwyr GIG

Pam astudio’r cwrs?

Prif amcan y modiwl yw amlygu sut mae sgiliau seicolegol (neu feddyliol) yn berthnasol i bob maes perfformio, a phwyslais ar ddeall sut mae cynnal ymyriadau ar sail tystiolaeth (h.y., rhai effeithiol) mewn cyd-destunau perfformio amrywiol (e.e. chwaraeon, y lluoedd arfog ac yn y blaen).

Pa mor hir mae'r cwrs yn cymryd i'w gwblhau?

Mae'r cwrs byr hwn yn cymryd 12 wythnos i'w gwblhau. Byddwch yn cael mynediad at holl ddeunyddiau’r darlithoedd ar ddechrau'r cwrs a fydd yn eich galluogi i fynd mor gyflym neu mor araf ag y dymunwch yn ôl eich amgylchiadau personol.

Asesiad

Mae’r strategaeth asesu’n ddeublyg. Mae’n gwneud defnydd o ddau o aseiniadau cysylltiedig yn null achos a’r rheini’n canolbwyntio ar ymyrraeth: (a) pamffled ymarferol 2 dudalen “sut mae gwneud” (i’r defnyddiwr terfynol) a (b) cyflwyniad 10 munud (i’r marciwr) sy’n esbonio'r cyfiawnhad dros ran (a).

Tiwtor

Dr. James Hardy

Ar ôl cael gradd israddedig o Brifysgol Birmingham, aeth James i Ogledd America i weld sut roedden nhw’n ymdrin â seicoleg chwaraeon. Cwblhaodd ei hyfforddiant ôl-radd (MA a PhD) ym Mhrifysgol Gorllewin Ontario, Canada, o dan oruchwyliaeth yr Athro Craig Hall. Mae'n gyflwynydd rheolaidd mewn cynadleddau rhyngwladol ac mae wedi cyhoeddi nifer o erthyglau ymchwil ynglŷn â’r ddau brif faes y mae’n arbenigo ynddynt (yn benodol, hunan-siarad a delweddaeth) a deinameg grŵp (e.e., cydlyniad tîm ac arweinyddiaeth) ym meysydd chwaraeon ac ymarfer corff.
��
Bu James yn olygydd gwadd ar rifyn cyntaf arbennig o gylchgrawn ynglŷn â Hunan-siarad mewn Chwaraeon (The Sport Psychologist) ac mae'n Olygydd Cyswllt i’r Journal of Applied Sport Psychology ac yn aelod o Fwrdd Golygyddol y Journal of Sport and Exercise Psychology. Ariannwyd ei ymchwil gan Fwrdd Criced Cymru a Lloegr (ECB), UK Sport, ESRC, a Global City Football Services (hynny yw Clwb Pêl-droed Manchester City). Mae James hefyd yn hyfforddi gymnasteg y dynion (MAG).
��

Beth fyddwch chi’n ei astudio ar y cwrs yma?

Yn aml gofynnir i ymarferwyr cymhwysol gynorthwyo cyflwr seicolegol perfformwyr - e.e., meithrin eu hyder, hwyluso perfformiad gwell o dan bwysau. Mae ymyriadau sgiliau meddwl yn rhan annatod o lenyddiaeth seicoleg chwaraeon ac mae’r dystiolaeth yn dangos bod iddynt effeithiau llesol i athletwyr i raddau helaeth. Ar y modiwl byddwch yn ennill gwerthfawrogiad beirniadol o’r llenyddiaeth ymchwil gyfoes sy'n ymwneud yn bennaf â’r sgiliau seicolegol neu feddyliol perthnasol; gyda phwyslais ar hunan-siarad a delweddaeth. Yn bwysig ddigon, y rheswm dros wneud hynny yw gallu cymhwyso'r wybodaeth honno ar ffurf ymyriadau effeithiol.
��
Mae’r modiwl yn seiliedig ar y dywediad nad oes dim mor ymarferol â theori dda, a bydd yn rhoi pwyslais ar theorïau perthnasol a llenyddiaeth sy’n seiliedig ar ymchwil sy'n berthnasol i'r pynciau canlynol:��

• Sgiliau seicolegol sylfaenol ac uwch
• Pecynnau sgiliau seicolegol
• Effeithiolrwydd ymyrraeth��
• Gosod nodau
• Delweddau��
• Hunan-siarad

��
Yn fras, dyma'r drefn a ddilynwn i ymdrin â'r pynciau uchod hefyd. Caiff y cynnwys damcaniaethol a’r ymchwil cysylltiedig (h.y., tystiolaeth) eu cyflwyno a'u trafod ynghyd â'u harwyddocâd ymarferol.

Rhestr o unedau��

• Unedau Dysgu
• Hanfodion y modiwl
• Sgiliau seicolegol sylfaenol ac uwch
• Pecynnau sgiliau seicolegol
• Effeithiolrwydd ymyrraeth��
• Gosod nodau
• Delweddau��
• Hunan-siarad
• Sesiynau byw x 3

• Y ffi ar gyfer blwyddyn academaidd 2024/25 fydd £556 (yn cynnwys TAW)
• Ewch i dudalen Ffioedd a Chyllid Ôl-raddedig er mwyn cael gwybodaeth bellach.
  ��

��

Fel arfer bydd rhaid i ymgeiswyr feddu ar radd anrhydedd 2.ii o leiaf. Rydym hefyd yn annog ceisiadau gan ymgeiswyr nad ydynt yn raddedigion ond sydd â chymwysterau proffesiynol amgen neu sy’n gallu dangos o leiaf 3 blynedd o brofiad gwaith perthnasol mewn amgylchedd perfformiad uchel (e.e. fel athletwr, hyfforddwr, cerddor proffesiynol, gweithredwr busnes neu gyllid neu o fewn amrywiaeth eang o swyddi proffesiynol eraill).

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.